"Манчестер Сити" ярим ҳимоячиси Жек Грилиш танқидларга учрамоқда. Клуб унинг учун 2021 йилнинг ёзида 117 миллион евродан кўпроқ тўлаган, бироқ футболчи умидларни оқлай олмади.
“Шаҳарликлар” бош мураббийи Хосеп Гвардиола Жек Грилишнинг ўйини ҳақида фикр билдирди.
“Очиғи, у жуда яхши ўйнайди. Мен у билан майдонда қабул қиладиган қарорлари ҳақида гаплашаман. У ҳар доим яхши ўйин сифатига эга бўлган, аммо ҳозир у муҳим нарса қарор қабул қилишда таваккал қилишга қўрқмайди. У шундай давом этиши керак”, - деди Гвардиола журналистларга.
"Манчестер Сити" айни дамда АПЛда тўплар нисбати бўйича "Арсенал"дан яхшироқ натижа қайд этиб турибди ва турнир жадвалида пешқадам.
