Миланнинг "Интер" клуби келгуси ёзда клубни қайта қуришни режалаштирган. Жамоани марказий ҳимоячи Милан Шкриньяр ва ярим ҳимоячи Марсело Брозович тарк этади, деб хабар беради La Gazette Dello Sport. Шунингдек, жамоа "Челси"дан ижарага олинган ҳужумчи Ромелу Лукакуни сотиб олиши даргумон.
Аммо жамоага 4 та янги футболчи келиши мумкин: "Лестер" марказий ҳимоячиси Чаглар Сеюнджу, "Барселона" ярим ҳимоячиси Франк Кессиэ, "Удинезе" вингери Роберто Перейра ва ёзда эркин агентга айланиши мумкин бўлган "Рома"дан яна бир марказий ҳимоячи Крис Смоллинг.
Айни дамда “Интер” А серияда иккинчи ўринда бормоқда, аммо “нерадзуррилар” биринчи ўриндаги “Наполи”дан 15 очко ортда қолмоқда.
