Италия чемпионати 23-тури доирасида «Сассуоло» «Наполи» билан учрашди. Баҳсда неаполликлар 2:0 ҳисобида ғалаба қозонди.

Грузиялик ярим ҳимоячи Хвича Кварацхелия учрашув натижаси ҳақида фикр билдирди. «Ажойиб. Йигитлар, тўхтамаймиз! Яна бир муҳим уч очко! Биз худди шу руҳда давом этамиз», - дейилади ярим ҳимоячининг ижтимоий тармоқдаги хабарида.

Учрашувда «Наполи»нинг биринчи голини Хвича киритди. Якуний ҳисобни нигериялик форвард Виктор Осимхен ўрнатди.

23-тур натижаларига кўра, неаполликлар Италия чемпионати турнир жадвалида 18 очколик фарқ билан пешқадамлик қилмоқда.