«Бавария» бош мураббийи Юлиан Нагельсманн Гладбахнинг «Боруссия»сига (2:3) қарши ўйиндан сўнг ҳакамлар хонасига борди, деб хабар беради Kicker.

Манбага кўра, ўйиндан сўнг ғазабланган Нагельсманн микст зона бўйлаб кутиб турган журналистлар ёнидан ўтиб, ҳакамлар хонасига югуриб ўтган ва бақирган: «У мен билан ҳазиллашяптими ёки бошқача бўлиши ҳам мумкинми?», — деди Юлиан.

Кейин у ўйин бош ҳаками Тобиас Вельснинг эшигини тақиллатди, у билан бир дақиқага яқин вақт гаплашган.

Нагельсманнинг норозилигига асосий сабаб «Боруссия» билан ўйиннинг 8-дақиқасида ҳимоячи Дайот Упомеканонинг майдондан четлатилиши бўлди.