Англия Премmер-лигасининг 24-туридан ўрин олган ўйинда "Эвертон" "Лидс"ни минимал ҳисобда мағлуб этди. Бу ливерпулликларнинг сўнгги учта ўйиндаги иккинчи ғалабаси бўлди. "Эвертон"нинг киритган ягона голи муаллифи Шеймус Коулмэн бу мавсумда илк бор гол урганидан мамнун.
"Гол урган вақтимда, менимча, ҳамма голли узатмани амалга оширишимни кутаётганди, аммо зарба беришга қарор қилдим. Амалга ошгани яхши бўлди. Яна ўн марта зарба берсам ҳам такрорлай олмайман, деб қўрққандим. Биз жанг қилишга ва мухлисларимизни хурсанд қилишга тайёр эканлигимизни кўрсатдик", - деди Коулмэн BBC Sport билан суҳбатда.