Мюнхеннинг “Бавария” клуби устози Юлиан Нагельсманн Бундеслиганинг 21-туридан ўрин олган Менхенгладбахнинг “Боруссия” жамоасига (2:3) қарши ўйиндан ўз фикрлари билан ўртоқлашди.
“Мағлубиятимизга сабаб қизил карточка. Эрта кўрсатилган қизил карточка бизнинг вазифамизни анча мураккаблаштирди. Қолаверса, яқинда Париждаги ўйин ҳам ўз таъсирини ўтказди. "Боруссия" билан учрашувда бизга куч етмади, - деди "Бавария" устози Bayern & Germany билан суҳбатда.
Эслатиб ўтамиз, "Бавария" биринчи бўлимнинг саккизинчи дақиқасидан бошлаб ўн киши билан ўйнади. Ҳимоячи Дайо Упамекано қизил карточка олди.
21-турдан кейин Мюнхен гранди Германия чемпионати турнир жадвалида пешқадамликни давом эттирмоқда. “Боруссия” ушбу ғалаба эвазига саккизинчи поғонага кўтарилиб олди.
