"ПСЖ" сардори Маркиньос "Монако"дан учралган мағлубиятдан сўнг жамоа ҳимоячиси Преснел Кимпембенинг ҳатти-ҳаракатидан норозилигини билдирди.
Goal нашри хабарига кўра, Маркиньос ўйин тугаганидан кейин жамоадошларидан "ПСЖ" мухлисларига яқинлашмасликни сўраган, бироқ Кимпембе унга қулоқ солмаган. Франциялик трибунага яқинлашиб, мағлубият учун мухлислардан узр сўради. Маркиньоснинг фикрича, Кимпембе бундай ҳаракатлари билан сардорлик мавқеини заифлаштирмоқчи.
"ПСЖ" Франция чемпионатининг 23-туридан ўрин олган "Монако"ни қабул қилиб, 1:3 ҳисобида мағлуб бўлди.
Кристоф Галтье шогирдлари Лига 1 турнир жадвалида пешқадамлик қилишда давом этмоқда.
