“Ювентус” ва Аргентина терма жамоаси ҳужумчиси Анхел ди Мария ЖЧ-2026да иштирок этиш нияти йўқлигини айтди.

"Мен энди навбатдаги жаҳон чемпионатини орзу қилмайман. Мен навбатдаги Америка кубоги ҳақида ўйлаяпман, унда ўйнаш учун бор кучимни ишга соламан. Месси кейинги Жаҳон чемпионатида иштирок этиши керак, бу Лео, у еттита "Олтин тўп"га эга ва у тарихдаги энг зўри", - деди ди Мария ESPN билан суҳбатда.

Футболчи Америка кубогида иштирок этиш учун терма жамоа таркибидан жой олиш мақсадида, Европада ўйнашни давом эттириш ва 100 фоиз тайёр бўлиш кераклигини таъкидлади.

Эслатиб ўтамиз, Аргентина терма жамоаси Америка кубоги - 2021нинг амалдаги ғолиби ҳисобланади.