"Бавария" бош мураббийи Юлиан Нагельсманн шанба куни Мёнхенгладбахнинг "Боруссия"сига қарши ўйинда ишлаган ҳакамлардан узр сўради.
Ўйин бошидаёқ Тобиас Вельц "Бавария" футболчиси Дайо Упамеканони майдондан четлатди. Мюнхенликлар якунда “Боруссия”га 2:3 ҳисобида имкониятни бой беришди.
“Туйғулар - спортнинг бир қисмидир. Қизил карточкани ҳисобга олиб, ўйиндан сўнг ўз фикрларимни билдиришга мажбур бўлдим. Бироқ, Тобиас Вельц жамоасига номақбул сўзлар ишлатганим учун узр сўрашим керак. Афсуски, мен жуда қизишиб кетдим”, деб ёзди Нагельсманн ижтимоий тармоқда.
