"Наполи"нинг ҳужумкор ярим ҳимоячиси Хвича Кварацхелия кўплаб Европа гигантларининг радарида. 22 ёшли грузиялик футболчини ўз сафига қўшиб олмоқчи бўлган клублар орасида "Реал" ҳам бор. Бу ҳақда AS нашри ўз саҳифаларида хабар берди.
Қайд этилишича, Хвича Кварацхелиянинг трансфери бошқа клубларга жуда қимматга тушади. Агар "Наполи" грузиялик футболчини сотса, у ҳолда 100 миллион евродан кўпроқ пул талаб қилади.
Хвича Кварацхелия “Наполи”да ажойиб ҳаракат қилмоқда. Италия клуби сафида 24 та расмий ўйинда грузиялик футболчи 12 та гол урди ва 14 та голли узатмани ҳамкорларига тақдим этди.
