"Челси"нинг чап қанот ҳимоячиси Бен Чилуэлл жамоасининг ҳозирги ҳолати ҳақида фикр билдирди. Грэм Поттер шогирдлари сўнгги ўн беш ўйинда атиги иккита ғалабага эришди. Жамоа Премьер-лига турнир жадвалида 10-ўринни эгаллаб турибди.
"Биз етарлича ҳаракат қилмаяпмиз. Дортмунднинг "Боруссия" жамоасига қарши ўйиндаги каби, биз вазиятлар яратяпмиз, деб айта оламан, аммо бу ҳеч нарсани англатмайди. Биз ўйинларда ғалаба қозонишимиз керак" - деди Чилуэлл "Челси" расмий сайтига.
Чилуэлл бу мавсумда Премьер-лигада битта гол киритди ва битта ассистентликни амалга оширди. Аввалроқ, футболчининг хизматларига "Манчестер Сити" қизиқаётгани ҳақида хабарлар тарқалган эди.
