"Бавария" футболчилари шанба куни Менхенгладбахнинг "Боруссия" жамоасидан учралган мағлубиятдан кейин қўшимча дам куни олишмайди. Sport Bild нашри хабарига кўра, жамоа бугундан машғулотларни давом эттиради.
Манбага кўра, “Бавария” бош мураббийи Юлиан Нагельсманн “Боруссия”ни мағлуб эта олса, футболчиларга бирданига икки кун дам олишга ваъда берган. Бироқ ўйин 3:2 ҳисобидаги “Боруссия”нинг ғалабаси билан якунланди, шунинг учун қўшимча дам олиш куни бекор қилинишига тўғри келди.
Нагельсманн сўнгги ҳафталардаги тиғиз тақвим туфайли футболчиларга қўшимча кунлик дам бермоқчи эди, бироқ "Боруссия"дан учралган мағлубият бу режаларни бекор қилишга мажбур қилди.
