"Арсенал" ҳимоячиси Александр Зинченко жамоанинг кийим алмаштириш хонасидаги муҳит ҳақида ўз фикрлари билан ўртоқлашди.
Эслатиб ўтамиз, 26 ёшли украиналик футболчи "канонирлар" сафига ёзда "Манчестер Сити"дан 35 миллион евро эвазига ўтган эди.
"Бизнинг кийиниш хонамизда кўплаб етакчилар, жуда яхши ёш ҳамда кекса футболчилар жамланган. Ходимларимиз бизни ҳар куни олдинга интилишга ва яхшиланишга ундайди", - деди Зинченко "Арсенал" клубининг расмий сайтига.
Зинченко Англия Премьер-лигасининг сўнгги турида "Астон Вилла"га қарши ўйинда турнирдаги илк голини урди. Бунинг учун унга 92 та ўйин керак бўлди.
