"Манчестер Сити" дарвозабони Эдерсон Мораес Премьер-лиганинг жорий мавсумида 26 гол урган ва турнирнинг "Олтин бутсаси" учун курашда пешқадамлик қилаётган ҳужумчи Эрлинг Холанднинг тўпурарлик маҳоратига юқори баҳо берди.
"Холанд жамоага келганида ҳамма ундан кўп гол уришини кутганди. Охир-оқибат, шундай бўлди. Эрлинг - ҳар доим гол сари интиладиган ажойиб тўпурар. У бизга керак бўлган ҳужумчи. Айниқса, Габриэль Жезус билан солиштирганда. Габининг бошқа фазилатлари ҳам бор эди, у кўпроқ ортдан ҳаракат қилишни яхши кўрарди", - дея Эдерсоннинг сўзларини келтиради УЕФА расмий сайти.
Жорий мавсумда Холанд ЕЧЛ гуруҳ босқичида 5 та гол урди. Тўпурарлар жадвалида ундан юқорида фақат Килиан Мбаппе ва Муҳаммад Салоҳ турибди. Уларнинг ҳисобида 7 тадан гол бор.
