"Барселона" ҳужумчиси Ансу Фати Англия клубларининг қизиқишлари ҳақида фикр билдирди.
“Менинг “Барселона” билан амалдаги шартномам бор. У 2027 йил июнь ойининг охиригача ҳисобланади. Умид қиламанки, жамоада яна кўп йиллар ўтказаман", - дея Фати сўзларини келтиради Marca.
20 ёшли футболчининг шартномасида товон пули 1 миллиард еврони ташкил этади.
Жорий мавсумда Фати “Барселона” сафида барча турнирлар доирасида 31 та ўйинда майдонга тушиб, 6 та гол урди ва 3 та голли узатмани амалга оширди.