"Брайтон" бош мураббийи Роберто де Дзерби ярим ҳимоячи Адам Лалланани жамоада олиб қолмоқчи. 34 ёшли футболчининг амалдаги шартномаси жорий мавсум охирида якунига етади. Де Дзерби клуб эгаси Тони Блумга Лаллана билан шартномани узайтириш илтимоси билан мурожаат қилди.
“Лаллана жамоамда қолишини 100 фоиз истайман. Мен аллақачон Тони билан гаплашдим ва ундан Адам билан шартномани янгилашни сўрадим”, деди мутахассис журналистларга.
Ҳаммаси бўлиб Адам Лаллана "Брайтон" таркибида 74 та ўйинда майдонга тушди. Уларда ярим ҳимоячи тўртта гол ва шерикларига учта самарали узатмани тақдим этди.
"Брайтон" ҳозирда Премьер-лига турнир жадвалида 7-ўринда бормоқда.
