«Реал» бош мураббийи Карло Анчелотти ҳужумчи Винисиус Жуниорни дунёнинг энг яхши футболчилари қаторига киритди.
«Жуниор ҳар қандай жойда ўйнашни яхши кўради, лекин, айниқса, «Энфильд» каби стадионларда у бошқача формага киради.
Унинг ўйинини томоша қилиш нафақат «Реал Мадрид» мухлислари, балки барча футбол мухлислари учун завқ бағишлайди.
Винисиус жуда кучли техникага эга, у Мбаппе ва Холанд даражасида ўйнай олади», - дейди италиялик мутахассис.
Испания чемпионатининг жорий мавсумида бразилиялик ҳужумчи 21 учрашувда 7 та гол урди ва 4 та голли узатмани амалга оширди.
«Реал Мадрид»нинг «Ливерпул»га қарши биринчи ўйини бугун «Энфильд»да бўлиб ўтади.
