"Атлетико" ярим ҳимоячиси Родриго Де Пауль "Реал" билан дербини ўтказиб юбориши мумкин.

28 ёшли аргентиналик футболчи "Атлетик"га қарши ўйинда (1:0) жисмоний ноқулайлик туфайли алмаштирилди. AS нашри хабарига кўра, шифокорлар Де Паулнинг жароҳати борасида у қадар оптимистик эмас, у 25 февраль куни "Реал"га қарши Ла Лиганинг 23-тур учрашувида майдонга тушмаслиги мумкин. Родриго жароҳат даражасини аниқлаш учун тиббий кўрикдан ўтиши керак.

Мемфис Депай ҳам соғлиғида муаммоларга дуч келмоқда. Ҳужумчининг Мадрид дербисига тайёргарлик даражаси ҳали баҳоланмаган.

Де Пауль жорий мавсум Ла Лигада 17 та ўйинда майдонга тушиб, 1 та гол ва 2 та голли узатмани амалга оширди.

"Барселона"дан қишки трансфер ойнасига мадридликлар сафига ўтган Депай Ла Лигада 4та ўйинда майдонга тушди ва 1та гол урди.