Мадриднинг “Реал” клуби ярим ҳимоячиси Дани Себальос “Бавария” қизиқишлари доирасига кирмайди. Бу ҳақда немис журналисти Керри Хоу ижтимоий тармоқларда хабар қилмоқда.
Эслатиб ўтамиз, кеча матбуотда Себальос "Бавария"нинг ёзги трансфер ойнасидаги мақсадларидан бири эканлиги ҳақида хабарлар тарқалган эди. Тахминларга кўра, испаниялик ярим ҳимоячи "қизил машина" бош мураббийи Юлиан Нагельсманн учун жуда керакли футболчи. Келишувга Дани ёзда эркин агентга айланиши ҳам ёрдам бериши керак эди.
"Реал Мадрид" ҳам ўз навбатида Себальосни таркибда қолдиришга қарши эмас, аммо ҳозиргидек шартлар асосида. Ярим ҳимоячи кўпроқ пул ва ўйин амалиётини хоҳлайди, бу эса музокараларни мураккаблаштиради.