Мадриднинг “Реал” клуби ҳужумчиси Карим Бензема Чемпионлар лигаси 1/8 финали доирасида “Ливерпуль”га қарши дастлабки ўйинда асосий таркибда майдонга тушади.
“У яхши формада ва учрашувни асосий таркибда бошлайди. Карим бошқа барча футболчилар сингари Чемпионлар лигаси плей-офф босқичи бошланишини интиқлик билан кутмоқда. Ўтган йилдаги хотиралар ҳамон хотирамиздан кўтарилмаган.
Ярим ҳимояда ким ўйнаши ҳақида.
"Биз ҳали шаклланиш жараёнидамиз, лекин бу мажбурий. Бу содир бўлишини кутмаган эдик. Мен ташвишланмайман, чунки Тчуамени ва Кроос ўрнига ўйнаган йигитлар билан жуда яхши кўриндик. Биз жамоага катта ишонч билдирамиз”, деди Анчелотти матбуот анжуманида.
Чемпионлар лигаси 1/8 финалининг биринчи учрашуви “Ливерпуль” – “Реал” бугун тунда, Тошкент вақти билан соат 01.00да бошланади. Жавоб ўйини 15 март куни Мадридда бўлиб ўтади.
