Каталониянинг "Барселона" клуби яқин келажакда "Манчестер Юнайтед" ҳимоячиси Диогу Далотни ўз сафига қўшиб олиши мумкин. Mundo Deportivo хабарига кўра, португалиялик футболчи "кўк-анорранглилар" бош мураббийи Хави Эрнандеснинг қисқа рўйхатидан жой олган.
Эслатиб ўтамиз, Эктор Бельерин жамоани тарк этганидан сўнг, "Барселона" янги ўнг қанот ҳимоячиси изламоқда. Далотнинг "Манчестер Юнайтед" билан шартномаси яқинда 2024 йилгача узайтирилди, аммо каталонияликлар барибир футболчини қўлга киритишга ҳаракат қилишлари мумкин.
Пайшанба куни Далот Европа Лигаси 1/16 финал жавоб ўйинида “Барселона”га қарши ўйнайди.