"Манчестер Юнайтед"нинг собиқ ҳимоячиси Рио Фердинанд "Ливерпуль" ҳужумчиси Дарвин Нуньеснинг жорий мавсумдаги ўйини ҳақидаги таассуротлари билан ўртоқлашди.
Эслатиб ўтамиз, Англия Премьер-лигасининг сўнгги турида "Ньюкасл"га қарши ўйинда уругвайлик футболчи гол уриб, жамоасининг сафарда 2:0 ҳисобида ғалаба қозонишига ёрдам берганди.
“Биласизми, менга Нуньес нима учун ёқади? "Эвертон"га қарши ўйиндан сўнг у шундай деди: "Мен Суаресга бироз ўхшайман. Иккинчи мавсумда мен яхшироқ ўйнайман. Мен буни “Бенфика”да бошдан кечирганман. Ўйлайманки, Нуньес "Ливерпуль"да ҳақиқатан ҳам муваффақиятга эришади", - дея Фердинанддан иқтибос келтиради Liverpool Echo.
Ёзда Нуньес Лиссабоннинг “Бенфика” клубидан 80 миллион евро эвазига “Ливерпуль”га ўтган эди.
