«РБ Лейпциг» бош мураббийи Марко Розе ЕЧЛ 1/8 финалида «Манчестер Сити»га қарши ўйин олдидан фикр билдирди.

«Мен ўзим ишонадиган яхши футболчилар билан ишлайман. Биз таваккал қилиб, дунёнинг энг яхши клубларидан бирига қарши дадил ўйнамоқчимиз.

Бу қийин ўйин бўлади, лекин агар биз бирлашсак ва мухлислар бизни қўллаб-қувватласа, кўп нарсага эришишимиз мумкин», - дея Розенинг сўзларидан иқтибос келтиради жамоа матбуот хизмати.

Мутахассис жамоага Дани Ольмо ва Кристофер Нкунку етишмаслиги, аммо «РБ Лейпциг»да яхши захира ўриндиғи борлигини таъкидлади.

Маълумот учун, «Лейпциг» ва «Манчестер Сити» учрашуви эртага, 22 февраль куни бўлиб ўтади.