«RB Leypsig» bosh murabbiyi Marko Roze YECHL 1/8 finalida «Manchester Siti»ga qarshi o‘yin oldidan fikr bildirdi.

«Men o‘zim ishonadigan yaxshi futbolchilar bilan ishlayman. Biz tavakkal qilib, dunyoning eng yaxshi klublaridan biriga qarshi dadil o‘ynamoqchimiz.

Bu qiyin o‘yin bo‘ladi, lekin agar biz birlashsak va muxlislar bizni qo‘llab-quvvatlasa, ko‘p narsaga erishishimiz mumkin», - deya Rozening so‘zlaridan iqtibos keltiradi jamoa matbuot xizmati.

Mutaxassis jamoaga Dani Olmo va Kristofer Nkunku yetishmasligi, ammo «RB Leypsig»da yaxshi zaxira o‘rindig‘i borligini ta’kidladi.

Ma’lumot uchun, «Leypsig» va «Manchester Siti» uchrashuvi ertaga, 22 fevral kuni bo‘lib o‘tadi.