"Интер"нинг чап қанот ҳимоячиси Робин Госенс "Аталанта"дан "нерадзуррилар" сафига қандай ўтганини эслади.

Немис футболчиси айнан Бергамода ном қозонган, аммо 2022 йилнинг бошида у ўзини бошқа клубда фаолиятини давом эттириш кераклигини ҳис қилганди.

"Интер"га ўтиш мен учун катта қийинчилик бўлди, чунки мен "Аталанта"ни тарк этиб, ўзимнинг конфор зонамни тарк этдим. Бергамода ўзимни жуда яхши ҳис қилдим, лекин мен кейинги қадамни қўйиб, кўпроқ амбицияли клубда мустаҳкам ўрин олишимни ҳис қилдим. Трансфердан кейин сиз учун ҳамма нарса нолдан бошланади - бу ерда сиз ҳеч кимсиз, яна ҳамма нарсани исботлашингиз керак. Кўрамиз, мен бу қадамни қўйишга қарор қилганимда тўғри бўлганмидим", - деди Госенс УЕФА расмий сайтига берган интервьюсида.