“Реал” ҳужумчиси Винисиус Жуниор Чемпионлар лигаси 1/8 финалида “Ливерпуль”га қарши ўйинда (5:2) энг яхши футболчи деб топилди. Ўйиндан сўнг унга эсдалик совғаси топширилди.

22 ёшли бразилиялик футболчи бутун учрашувни ўтказди.

Биринчи бўлимда у дубль қайд этган бўлса, иккинчисида голли узатмани амалга ошириб, сариқ карточка олди.

"У ҳужумда ҳал қилувчи эпизодларга эга бўлиб, учрашувнинг боришини 2:0 ҳисобидан ўзгартирди. У ўзи иккита гол урди, шерикларига ёрдам берди, жарима зарбасини ишлаб олди, шундан сўнг Эдер Милитао гол урди. Модрич ҳам ажойиб ўйин ўтказди”, — деди УЕФА техник кузатувчиси.