«Барселона» ҳужумчиси Роберт Левандовски «Манчестер Юнайтед»га қарши Европа лигаси 1/16 финал жавоб ўйинида (1:2) гол урди.

Польшалик ҳужумчи учун бу гол мавсумдаги 25-аниқ зарба бўлди, энди испан клуби «Бавария»га 1,25 миллион евро тўлаши керак.

Бу шарт 2022 йилнинг ёзида Левандовски трансферини амалга оширишда жамоалар ўртасида белгиланган эди.

«Барселона» Левандовски 25 тадан ортиқ гол урган ҳар бир мавсум учун 1,25 миллион евро тўлаши маълум қилинганди. Кўпи билан тўртта шундай мавсум бўлиши мумкин, мос равишда «Бавария» трансфер учун 45 миллион евродан ташқари қўшимча 5 миллион евро олиши мумкин.