Англиянинг бир қатор етакчи клублари «Майнц»да тўп тепаётган 24 ёшли германиялик истиқболли ярим ҳимоячи Антон Штахни ўз жамоасига таклиф қилмоқчи. Улар орасида ушбу немис клубининг собиқ устози Юрген Клопп бошқараётган «Ливерпуль» ҳам бор.
Мерсисайдликлар билан бир қаторда «Ньюкасл», «Тоттенхэм» ва «Вест Хэм» каби жамоалар ҳам Штах ўйинларига бефарқ эмас.
Илгари Штах фақат немис лигасида ўйнаган, у «Еддело», «Гройтер Фюрт» каби клубларнинг шарафини ҳимоя қилган ва 2021 йилдан бери «Майнц»да ўйнаб келмоқда.
Қизиғи шундаки, у аллақачон Германия терма жамоасига чақирилган ва ўтган йили Исроилга қарши баҳсда дебют қилган.
