Майк Меньян сентябрь ойидан бери илк бор “Милан” сафида ўйнайди.

"Россонерлар" бош мураббийи Стефано Пиоли дарвозабон А Сериянинг 24-тури доирасида "Аталанта"га қарши ўйинда иштирок этишини маълум қилди. Ўйин эртага, 26 февраль куни бўлиб ўтади.

"Меньян яхши ҳолатда ва эртага ўйнайди. Майк қафасдаги шер эди: у жамоага ёрдам бера олмади, майдонга туша олмади, маслаҳат беролмади, футболчиларни кўнглини кўтара олмади. Энди у шундай имкониятга эга.

У яхши ишлади, яхши ишлаяпти, у аниқ мотивацияга эга, у албатта катта ҳисса қўшади" - деди Пиоли.

Меньян 18 сентябрдан бери "Милан"да ўйнамади. У УЕФА Миллатлар лигаси доирасида Франция терма жамоаси билан Австрияга қарши ўйинда (2:0) болдиридан жароҳат олган эди.