Кеча Бухоро шаҳридаги «Ёшлар маркази» санъат саройида «Бухоро» жамоаси ўз сафига қўшган янги  футболчиларнинг таништирув маросимини ўтказди. Тадбирда Бухоро вилоят ҳокими ўринбосари Мирали Ҳамраев, БНҚИЗ директори ўринбосари Жонибек Зияев, Бухоро спорт бошқармаси бошлиғи Ўткир Нажмиддинов ҳамда Бухоро футбол ассоциацияси биринчи вице-президенти Фарруҳ Ҳамроев иштирок этишди.

Тадбир аввалида Мирали Мухаммаджонович сўзга чиқиб «Бухоро» Суперлигада муносиб этишини, совринли ўринлар учун курашган жамоанинг тарихини тиклашимиз зарурлиги ҳақида айтиб ўтиб, 2023 йилги футбол мавсуми футбол байрами билан барчани муборакбод этди.

Сўнг жамоа бош мураббийи Ҳаким Фузайлов ўз нутқида Бухоро вилояти ҳокими Ботир Зариповга, БНҚИЗ директори Акбар Фозиловга ва жамоа раҳбариятига қилинган шарт-шароитлар учун ўз миннатдорчилигини билдириб ўтди ҳамда жамоа мухлисларига алоҳида раҳмат айтди. Шунингдек, мураббий жорий мавсумда ёрқин ғалабалар билан жамоа мухлисларини баҳраманд этамиз деб ўз сўзини якунлади.

 Маросим якунида янги футболчиларга қуйидаги рақамли футбол либослари тантанали равишда топширилди:

5 — Дилшод Жўраев
9 — Александер Касян
25 — Аббос Отахонов
27 — Ихтиёр Тошпўлатов
70 — Александар Станисавлевич
80 — Фарруҳ Ибрагимов
88 — Всеволод Нихаев

Шунингдек, "Бухоро" рўйхатида қуйидаги футболчилар жой олишган:

13 Никола Стошич
20 Сардор Қобулжонов
4 Миржалол Жумаев      
7 Жасур Азимов
10 Ҳумоюнмирзо Иминов
11 Темур Исмаилов
14 Рустам Абдухамидов     
15 Обид Жўрабоев
16 Жасур Ҳасанов
17 Жамолиддин Убайдуллаев
22 Рўзимбой Аҳмедов
77 Файзулло Жуманқўзиев   
91 Асилжон Бегимқулов.