«Арсенал» ярим ҳимоячиси Гранит Жака клуб билан янги шартнома борасида музокара олиб борди. Бу ҳақда Football Insider хабар бермоқда.
Амалдаги шартнома Гранита Жакани «Арсенал» билан 2024 йилнинг ўрталарига қадар боғлайди. Швейцариялик ярим ҳимоячи 2016 йилнинг ёзидан буён Лондон клубида тўп тепмоқда.
Ўшандан бери Жака «канонирлар» сафида 282 та ўйинда майдонга тушиб, 18 та гол урган ва жамоадошларига 27 та голли узатма берган.
«Арсенал» ҳозирда АПЛ турнир жадвалида пешқадамлик қилмоқда.