ФИФАнинг 2022 йилнинг энг яхши футболчисини аниқлаш учун ўтказилган сўровномада футболчилар қанча овоз тўплагани эълон қилинди.

«The Best» совринини қўлга киритган Лионель Месси 52 очко тўплади ва иккинчи ўриндаги Килиан Мбаппени 8 очкога ортда қолдирди. Учинчи ўринни банд этган Карим Бензема эса 34 балл билан кучли учликка кирди. Тўртинчи ва бешинчи ўринларда Лука Модрич ва Эрлинг Холанд мос равишда 28 ва 24 баллга эга бўлишган.

«The Best» сўровномаси якунлари:

1. Лионель Месси (Аргентина, «ПСЖ») – 52 очка.
2. Килиан Мбаппе (Франция, «ПСЖ») – 44;
3. Карим Бензема (Франция, «Реал Мадрид») – 34;
4. Лука Модрич (Хорватия, «Реал Мадрид») – 28;
5. Эрлинг Холанд (Норвегия, «Манчестер Сити»/«Боруссия» Дортмунд) – 24;
6. Садьо Мане (Сенегал, «Бавария»/«Ливерпуль») – 19;
7. Хулиан Альварес (Аргентина, «Манчестер Сити»/«Ривер Плейт») – 17;
8. Ашраф Ҳакимий (Марокаш, «ПСЖ») – 15;
9. Неймар (Бразилия, «ПСЖ») – 13;
10. Кевин де Брюйне (Бельгия, «Манчестер Сити») – 10;
11. Винисиус Жуниор (Бразилия, «Реал Мадрид») – 10;
12. Роберт Левандовски (Польша, «Барселона»/«Бавария») – 7;
13. Жуд Беллингем (Англия, «Боруссия» Дортмунд) – 3;
14. Муҳаммад Салоҳ (Миср, «Ливерпуль») – 2.