"Манчестер Сити"дан ижара асосида Германия жамоасида ўйнаётган "Бавария"нинг португалиялик ҳимоячиси Жоау Канселу ФИФА талқинига кўра 2022 йилда дунёнинг энг яхши футболчилари рамзий терма жамоасига киритилгани ҳақида фикр билдирди.
"Ўтган йилнинг энг яхши ўйинчиларидан бири бўлганимдан фахрланаман. Бу менинг болалигимдан орзум эди. Мен рамзий жамоага киришни анчадан бери орзу қилардим ва бунга эришдим, энди жуда хурсандман. Ўйлайманки, дўстларим, оилам, доим ёнимда бўлган инсонлар менга бунга эришишимга ёрдам беришди", - деди Канселу FIFPRO билан суҳбатда.
28 ёшли Канселу жорий мавсумда "Манчестер Сити" сафида барча турнирларда 26 та ўйинда майдонга тушиб, 2 та гол урди ва 5 та голли узатмани амалга оширди. "Бавария" таркибида португалиялик футболчи олтита учрашув ўтказиб, иккита голли узатмани амалга оширди.
