"Манчестер Сити" ёзда ўз ярим ҳимоячиси Бернарду Силвани сотмоқчи. Эслатиб ўтамиз, футболчининг ўзи ҳам клубини ўзгартирмоқчи.
Sport нашри хабарига кўра, "Манчестер Сити" Силвани "Барселона"га сотмоқчи, аммо эски муаммо бунга халақит бермоқда. “Шаҳарликлар” футболчи учун 80 миллион евро олмоқчи, “Барселона” эса молиявий муаммолар туфайли бундай маблағни сарфлай олмайди.
Бернарду Силва август ойида 29 ёшга тўлади. Футболчи Франциянинг “Монако” клубидан кўчиб ўтган ва 2017 йилдан бери “Манчестер Сити”да ўйнаб келмоқда.
Жорий мавсумда португалиялик футболчи АПЛда 3 та гол ва 5 та голли узатмани амалга оширди.
