"Челси" ярим ҳимоячиси Н’Голо Канте шу ёзда фаолиятини "Ливерпул"да давом эттириши мумкин.
Журналист Пит О’Руркнинг фикрича, "мерсисайдликлар" янги мавсум бошланишидан олдин "Челси" ярим ҳимоячисини ўз сафига қўшиб олишга қарши эмас.
Эслатиб ўтамиз, Кантенинг шартномаси ёзда тугайди, аммо сўнгги пайтларда франциялик футболчи "кўклар" билан шартномани узайтиришга яқин экани ҳақида кўп хабарлар тарқалди. Катта эҳтимол билан ярим ҳимоячи 3+1 схемаси бўйича янги шартнома имзолайди, бу эса "Ливерпул"нинг вазифасини мураккаблаштиради.
Жорий мавсумнинг асосий қисмини 31 ёшли Канте жароҳати туфайли ўтказиб юборди.
