Мадриднинг “Реал” клуби майдон марказида Тони Кроос – Лука Модрич жуфтлигидан бирини ўрнини боса оладиган футболчи излай бошлади. Todofichajes нашри хабарига кўра, "қироллик клуби" эътиборига "Бавария" ярим ҳимоячиси Жошуа Киммих тушган.
Мадрид гранди хўжайинлари 28 ёшли германиялик футболчини 2022/2023 йилги мавсум якунида қўлга киритишга ҳаракат қилишади. Келишув анча қимматга тушиши мумкин, чунки Киммихнинг нархи 80 миллион еврога баҳоланмоқда. Ярим ҳимоячининг "Бавария" билан шартномаси 2025 йилнинг ўрталарига қадар мўлжалланган.
Жошуа Бундеслиганинг жорий мавсумида 21 та ўйинда майдонга тушиб, 3 та гол урди ва 4 та голли узатмани амалга оширди.
