"Челси"нинг уй стадиони "Стэмфорд Бридж" тез орада бутунлай бузиб ташланиши мумкин. Журналист Мэтт Лоунинг сўзларига кўра, "кўклар" раҳбарияти ҳозирги стадионни бузиб, ўрнига янги стадион қурмоқчи.
Якуний қарор ҳали қабул қилингани йўқ, аммо ҳозирча энг эҳтимолий сценарий - "Стэмфорд Бридж"нинг бузилиши. Америкалик тадбиркор Тодд Боули бошчилигидаги “Челси” эгалари Европадаги энг яхши стадионларидан бири бўладиган янги арена қурмоқчи.
Эслатиб ўтамиз, "Стэмфорд Бридж"ни реконструкция қилишни аввалроқ "Челси"нинг собиқ хўжайини Роман Абрамович амалга ошириши режалаштирилган эди, бироқ жараён ҳуқуқий жиҳатлар туфайли амалга ошмаган эди.
