Туркиянинг “Фенербахче” клуби ҳимоячиси Ферди Кадиўғлу тез орада Европанинг етакчи клубларидан бири сафига қўшилиши мумкин.
Takvim нашрининг ёзишича, 23 ёшли футболчига "Бавария" қизиқмоқда.
Ферди ҳимоянинг иккала қанотида ҳам, ҳужумкор ярим ҳимоячи позициясида ҳам ўйнай олади. Футболчининг кўп қирралилигини "Бавария" бош мураббийи Юлиан Нагельсман ёқтиради. Манбага кўра, "Фенербахче" футболчини 20 миллион еврога баҳоламоқда.
Жорий мавсумда Кадиўғлу Туркия чемпионатида иккита голли узатмани амалга оширди. Футболчининг икки фуқаролиги бор - Туркия ва Нидерландия.
