«Наполи» 2 ой ичида илк бор мағлуб бўлди.

Бугун Неапол клуби А Сериянинг 25-турида ўз майдонида «Лацио»га имкониятни бой берди (0:1).

Ягона гол 67-дақиқада римликлар ярим ҳимоячиси Матиас Весино томонидан киритилди.

Бунгача сўнгги мағлубият 2023 йилнинг 4 январида – чемпионат доирасида «Интер»дан (0:1) учралган. Шундан сўнг «Наполи» 9 та ғалабага эришди ва бир марта дуранг ўйнади.

68 очкога эга «Наполи» турнир жадвалида ишончли тарзда пешқадамлик қилишда давом этмоқда, тур якунида иккинчи ўриндаги жамоа билан фарқ 15 очкога қисқариши мумкин.

11 март куни бош мураббий Лучано Спалетти жамоаси ўз майдонида «Аталанта»ни қабул қилади.