Аҳмаджон Мусаев бошчилигидаги Ўзбекистон ёшлар терма жамоаси Вьетнамда давом этаётган "AFF CUP-2012" мусобақасининг 3-турида йирик ҳисобда ғалаба қозонди ҳамда финалда тўп суриш ҳуқуқини қўлга киритди. Финал ўйини 8 сентябрь куни бўлиб ўтади ва унда Эрон ва Ўзбекистон терма жамоалари майдонга чиқишади.
Вьетнамга қарши кечган баҳснинг биринчи бўлими сўнгги дақиқасида вакилларимиз ҳисобни очишга муваффақ бўлишган бўлса, иккинчи бўлимда эса мезбонлар дарвозаси яна 3 марти ишғол қилинди. Якуний ҳисоб - 4:0.
Айтиб ўтганимиздек, 8 сентябрь куни соат 16:30да финал - Эрон - Ўзбекистон. Эрон бугун Австралия устидан 4:1 ҳисобида ғалаба қозонди. Учинчи ўрин учун баҳсда эса Австралия ва Вьетнам футболчилари майдонга чиқишади.
ВЬЕТНАМ U19 - ЎЗБЕКИСТОН U19 - 0:4
Голлар: Максимилиан Фомин (45), Аббос Махсталиев (60), Жаҳонгир Абдумўминов (79), Азизбек Муродов (86)
Ўзбекистонлик ёшлар учун Эрон билан ҳисоб-китобларни тенглаштириш ва мусобақа ғолибига айланиш учун бу яхши имконият.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Эрон U19 | 3 | 3 | 0 | 0 | 8-3 | 9 |
| 2 | Ўзбекистон U19 | 3 | 2 | 0 | 1 | 7-3 | 6 |
| 3 | Австралия U19 | 3 | 1 | 0 | 2 | 6-6 | 3 |
| 4 | Вьетнам U19 | 3 | 0 | 0 | 3 | 1-10 | 0 |
