"Барселона"нинг марказий ҳимоячиси Рональд Араухо яқинлашиб келаётган "Эл-Класико"да иштирок этиши мумкин.
Уругвайлик футболчи Ла Лиганинг бугунги "Валенсия"га қарши ўйинида қизил карточка олди. Испания матбуоти хабарига кўра, Араухо фақат битта ўйинга дисквалификация қилинади - 12 март куни бўлиб ўтадиган "Атлетик Бильбао"га қарши.
Шу тариқа, каталонияликлар ҳимояси етакчиларидан бири Испания чемпионатининг 19-мартга белгиланган “Реал”га қарши учрашувида иштирок этиши мумкин бўлади.
Рональд Араухо жорий мавсумда “Барселона” сафида 21 та ўйинда майдонга тушиб, 1 та гол ва 1 та голли узатмага муаллифлик қилган.
