"Бирмингем"нинг собиқ бош мураббийи Хосеп Клотет ҳозирда Дортмунднинг "Боруссия"сида ўйнаётган ва топ-клублар томонидан қизиқиш билдирилаётган Жуд Беллингем ҳақида қизиқарли воқеани айтиб берди.
"Бир куни бош директор менга шундай деди: "Жуд бугун бу ерда бўлмайди, чунки биз унга "Манчестер Юнайтед" вакиллари билан учрашишга рухсат бердик. Аммо охир-оқибат, у машғулотларни ўтказиб юбормаслик учун [музокара қилишдан] бош тортди. У менга ривожланишда давом этиш йўлини таклиф қиладиган клуб унинг устуворлиги эканлигини айтди. У пул ҳақида ўйламасди”, деди Клотет.
Жуд Беллингем 2020 йилнинг ёзида "Бирмингем"дан Дортмунднинг "Боруссия"сига кўчиб ўтганди.
