"Birmingem"ning sobiq bosh murabbiyi Xosep Klotet hozirda Dortmundning "Borussiya"sida o‘ynayotgan va top-klublar tomonidan qiziqish bildirilayotgan Jud Bellingem haqida qiziqarli voqeani aytib berdi.
"Bir kuni bosh direktor menga shunday dedi: "Jud bugun bu yerda bo‘lmaydi, chunki biz unga "Manchester Yunayted" vakillari bilan uchrashishga ruxsat berdik. Ammo oxir-oqibat, u mashg‘ulotlarni o‘tkazib yubormaslik uchun [muzokara qilishdan] bosh tortdi. U menga rivojlanishda davom etish yo‘lini taklif qiladigan klub uning ustuvorligi ekanligini aytdi. U pul haqida o‘ylamasdi”, dedi Klotet.
Jud Bellingem 2020 yilning yozida "Birmingem"dan Dortmundning "Borussiya"siga ko‘chib o‘tgandi.