"ПСЖ" келаси мавсум бошланишидан олдин таркибни жиддий янгиламоқчи. Бу ҳақда Lequipe журнали хабар бермоқда.

Париж гранди раҳбарияти дарвозабондан ташқари жамоанинг барча чизиғини кучайтиришни режалаштирмоқда. Ҳимояда клуб Пау Торрес ("Вильярреал"), ўрта чизиқда эса Иброҳим Сангаре ("ПСВ") ва Куадио Коне ("Боруссия" (М)ни қўлга киритиш ниятида. "ПСЖ" пулнинг катта қисмини ҳужумни кучайтиришга сарфламоқчи. Лига 1 чемпионлари "Манчестер Сити"нинг ҳужумкор ярим ҳимоячиси Бернарду Силва, шунингдек, уч нафар ҳужумчи Райан Шерки ("Лион"), Гонсало Рамуш ("Бенфика") ва Виктор Осимхен ("Наполи") билан шартнома имзоламоқчи.

"ПСЖ" Чемпионлар лигасида 1/8 финал босқичидан ўта олмади. Кристоф Галтье шогирдлари "Бавария"га мағлуб бўлди (0:1, 0:2).