Қишки трансфер ойнасида ҳимоячи Жоау Канселу «Манчестер Сити»дан «Бавария»га ўтди.
Мюнхенликлар 28 ёшли португалияликни сотиб олиш шарти билан ижарага олди. Испаниянинг Sport нашрига маълум бўлишича, «Бавария» сотиб олиш вариантидан фойдаланмайди.
Шу тариқа, 2022/2023 йилги мавсум якунида Жоау Канселу «Манчестер Сити»га қайтади. Португалияликнинг «шаҳарликлар» лагерида қолиб кетиши даргумон.
Катта эҳтимол билан премьер-лиганинг топ-клуби уни ўз сафига қўшиб олади. Матбуотда Канселуга «Барселона»дан қизиқиш бўлгани ҳақида маълумот пайдо бўлди.
Transfermarkt экспертлари Жоау Канселуни 70 миллион еврога баҳоламоқда.
