"Ливерпуль" ҳужумчиси Муҳаммад Салоҳ АПЛда урган голларидан қайси бири кўпроқ эсда қолганини айтди.
Мисрлик футболчи 2017 йилдан буён "Ливерпуль"да ўйнаб келмоқда. Ўтган турда “Манчестер Юнайтед”га қарши ўйинда (7:0) дубль қайд этди ва клубнинг Премьер-лигадаги голлари сони бўйича ягона рекордчисига айланди – 129 та.
“Премьер-лигадаги энг севимли голим? “Ливерпуль” сафида “Манчестер Юнайтед”га урган биринчи голим. Ундан олдин ҳамма менга: "Сиз кимгадир гол уришиз мумкин, лекин "Юнайтед"га эмас", - деди 30 ёшли ҳужумчи, унинг сўзларини инглиз ОАВлари келтирмоқда.
Англия чемпионатининг жорий мавсумида Салоҳ 25 учрашувда 11 та гол киритган.
