Чоршанба куни Чемпионлар лигаси 1/8 финалининг жавоб ўйини “Бавария” ва “ПСЖ” жамоалари ўртасида бўлиб ўтди. Мюнхенликлар 2:0 ҳисобида ғалаба қозонишди ва кейинги босқичга чиқишди (умумий 3:0).
Финал ҳуштаги янграгач, “Бавария” футболчиси Жамол Мусиала Лионель Мессидан футболка сўради. Аргентиналик футболчи немисга трибуна остидаги хонада футболка беришини ишора қилди. Бироқ Мусиала "ПСЖ" юлдузи футболкасини ололмаган.
“Мессининг футболкасини олишга муваффақ бўлдингизми? Мен уни тополмадим!" , - деди Мусиала.
Лионель Месси 2021 йилнинг ёзидан буён “ПСЖ” сафида тўп суради. Аргентиналик футболчининг амалдаги шартномаси шу мавсум охиригача тузилган.
