Бугун U20 Осиё кубогининг чорак финал баҳслари старт олади. Эртанги баҳслар учун Япония терма жамоаси устози Коичи Тогаши учрашувдан олдинги матбуот анжуманида иштирок этди.

«Муҳим паллага етиб келдик. Энди нафақат 90 дақиқа балки, қўшимча бўлимларда ҳам ўйнашимизга тўғри келади. Бироқ бунга тайёрмиз. Ўйинчилар орасида яхши муҳитни яратдим. Гуруҳ анча қийин эди. Шигирдларимда мотивация борасида муаммо бўлмайди. Рақибни етарлича таҳлил қилдим. Марказ футболчилари анча бақувват. Бунинг устига кучли ҳужумчига эга. Бу сафар Иордания гуруҳдаги потенциалидан ҳам икки баравар кучлироқ ҳаракат қилади.

Бу жамоа шаклланганидан бери бир хил стандартга амал қилиб келамиз. Шогирдларимга устувор талабим - кучли интизом. Темпни ҳар доим ушлаб келганмиз. Барча футболчиларимни Европада кўришни хоҳлайман. Уларда мотивация кучли, хато қилса, тезда жазоламайман. Улар ҳали ёш ва ўрганадиган нарсалари кўп. Терма жамоа илдизларини соғлом рақобатда парваришлаймиз», — деди мураббий.