Bugun U20 Osiyo kubogining chorak final bahslari start oladi. Ertangi bahslar uchun Yaponiya terma jamoasi ustozi Koichi Togashi uchrashuvdan oldingi matbuot anjumanida ishtirok etdi.

«Muhim pallaga yetib keldik. Endi nafaqat 90 daqiqa balki, qo‘shimcha bo‘limlarda ham o‘ynashimizga to‘g‘ri keladi. Biroq bunga tayyormiz. O‘yinchilar orasida yaxshi muhitni yaratdim. Guruh ancha qiyin edi. Shigirdlarimda motivasiya borasida muammo bo‘lmaydi. Raqibni yetarlicha tahlil qildim. Markaz futbolchilari ancha baquvvat. Buning ustiga kuchli hujumchiga ega. Bu safar Iordaniya guruhdagi potensialidan ham ikki baravar kuchliroq harakat qiladi.

Bu jamoa shakllanganidan beri bir xil standartga amal qilib kelamiz. Shogirdlarimga ustuvor talabim - kuchli intizom. Tempni har doim ushlab kelganmiz. Barcha futbolchilarimni Yevropada ko‘rishni xohlayman. Ularda motivasiya kuchli, xato qilsa, tezda jazolamayman. Ular hali yosh va o‘rganadigan narsalari ko‘p. Terma jamoa ildizlarini sog‘lom raqobatda parvarishlaymiz», — dedi murabbiy.