«Лидс Юнайтед» Англия премьер-лигасидан тушиб кетган тақдирда 23 ёшли франциялик дарвозабон Иллан Мельени сотишга тайёр.
Football Insider хабарига кўра, дарвозабон АПЛдан тушиб кетган тақдирда клубда қолиш ниятида эмас.
Ушбу истак фонида «Лидс Юнайтед» раҳбарияти клуб футболчи билан хайрлашишга тайёр бўлган миқдорни аниқлади. «Лидс» ёш ва истиқболли дарвозабон учун камида 30 миллион фунт (33,9 миллион евро) талаб қилмоқда.
Иллан Мелье инглиз клубида 2019/2020 йилги мавсумдан бери тўп тепмоқда. Француз «Лидс» билан биргаликда чемпионшип ғолибига айланди ва Премьер-лигага кўтарилди.
«Лидс Юнайтед» жорий мавсумда 26 турдан кейин 23 очко жамғарган ҳолда Премьер-лигада 19-ўринда бормоқда. Мелье барча 26 учрашувда асосий таркибда майдонга тушган.
